Friday, April 14, 2017

വിഷു ആശംസകള്‍ ...

ആളുന്ന വെയിലിന്റെ അഗ്നിയെ ആത്മാവിലേക്ക്‌ ആവാഹിച്ച്‌ ഊതിക്കാച്ചിയ പൊന്നിന്റെ ശോഭയാല്‍ സര്‍വ്വാഭരണ വിഭൂഷിതയായി ഒരുങ്ങി നില്‍ക്കുന്ന കണിക്കൊന്നകള്‍ മലയാളിയുടെ മനസ്സ്‌ തണുപ്പിക്കും . വഴിയരികിലും പറമ്പിലും പൂത്തുലഞ്ഞ്‌ സ്വര്‍ണ്ണം വാരിവിതറിയതുപോലെ മോഹിപ്പിച്ചുകൊണ്ടു നില്‍ക്കുകയാണ്‌ വിഷുവിന്റെ കൈനീട്ടമായ കണിക്കൊന്നകള്‍ . നമ്മുടെ സംസ്ഥാനത്തിന്റെ ഔദ്യോഗിക പുഷ്‌പമാണ്‌ കണിക്കൊന്ന. തായ്‌ലന്‍ഡിന്റെ ദേശീയ വൃക്ഷവും കണിക്കൊന്ന തന്നെ. 'കാഷ്യഫിസ്റ്റുല' എന്ന ശാസ്‌ത്രീയ നാമമുള്ള കണികൊന്നയ്‌ക്ക്‌ സംസ്‌കൃതത്തില്‍ 'കര്‍ണ്ണികാരം, ആരഗ്വധ, രാജവ്യക്ഷ, ശ്വാമാം, ദീര്‍ഘഫല, ' എന്നും പേരുകളുണ്ട്‌. പേരുകളെ അന്വര്‍ത്ഥമാക്കും വിധം തന്നെയാണ്‌ കണിക്കൊന്ന കാഴ്‌ചയിലും.
വിഷു ആശംസകള്‍ ....

0 comments:

Post a Comment

Note: Only a member of this blog may post a comment.